Bhagavad Gīta Bhāshya and Tātparya
B.G 10.41
यद्यद् विभूतिमत् सत्त्वं श्रीमदूर्जितमेव वा। तत्तदेवावगच्छ त्वं मम तेजोंऽशसम्भवम् ॥४१॥
Gīta Bhāshya 10.41
यद्यद्विभूतिमदिति विस्तरः। विष्ण्वादीनि तत् स्वरूपाण्येव। अन्यानि तु तेजोंशयुक्तानि। तथा च पैङ्गिखिलेषु-
"विशेषका रुद्रवैन्येन्द्रदेवा राजन्याद्या अंशयुतान्यजीवाः। कृष्णव्यासौ रामकृष्णौ च रामः कपिलयज्ञप्रमुखाः स्वयं सः॥"
इति।
"स एवैको भार्गवदाशरथिकृष्णाद्यास्तु अंशयुतान्यजीवाः।"
इति गौतमखिलेषु।
"ऋषयो मनवो देवा मनुपुत्रा महौजसः। कलाः सर्वे हरेरेव सप्रजापतयः स्मृऽताः। एते स्वांशकलाः पुंसः कृष्णस्तु भगवान् स्वयम्॥"
इति च भागवते ऋष्यादीन् अंशयुतत्वेन उक्त्वा वराहादीन् स्वरूपत्वेनाह। तु शब्दः एवार्थे। अन्यस्तु विशेषो न कुत्रापि अवगतः।
अंशत्वं तत्राप्यवगतम्-
"उद्बबर्हात्मनः केशौ"
इति।
मृडयन्ति इति च बहुवचनं चायुक्तम्। न ह्यन्तरान्यदुक्त्वा पूर्वं अपरामृश्य तत्क्रिया उच्यमाना दृष्टा कुत्रचित् ॥४१॥
Gīta Tātparya 10.41
मम तेजोंशेन संयुक्तं भवति ॥४१॥

...

बहुचित्रजगद्बहुधाकरणात् परशक्तिरनन्तगुणः परमः ।
सुखरूपममुष्य पदं परमं स्मरतस्तु भविष्यति तत्सततम् ॥
"The one who has created this variegated vast universe with varied forms has infinite power and is of infinite auspicious qualities. He certainly bestows the highest state of bliss to those who meditate on his ever happy essence." -Dwādasha stōtra 4.3

Contact:
enquire@madhva.in

Copyright © 2023, Incredible Wisdom.
All rights reserved.