Bhagavad Gīta Bhāshya and Tātparya
B.G 18.17
यस्य नाहङ्कृतो भावो बुद्धिर्यस्य न लिप्यते। हत्वापि स इमान् लोकान् न हन्ति न निबध्यते ॥१७॥
Gīta Bhāshya 18.17
तज्ज्ञानं स्तौति - यस्य इति।
यस्तु ईषत् बद्ध्यते स ईषदहङ्कारी च ॥१७॥
Gīta Tātparya 18.17
"स्वातन्त्र्यमीश्वरे वेत्ति नैवात्मनि कदाचन। ईश्वराधीनमेवात्मन् स्वातन्त्र्यं तु जडान् प्रति॥
तारतम्येन लक्ष्म्यादेः जीवान् प्रति च सर्वशः। यस्तदर्थं समुत्पन्नो यथा रुद्रो यथा यमः॥ हत्वापि स इमान् लोकान् न हन्ति न निबद्ध्यते। अज्ञः तदर्थं जातोपि वद्ध्यते दैत्यवद् ध्रुवम्॥
अपरोक्षदृङ्ग् न जातो यः तदर्थं मुक्तिगं सुखम्। ह्रसेत् तस्य परोक्षज्ञः किञ्चिद् दोषेण लिप्यते॥"
इति च।
अस्वातन्त्र्यत् हन्मीति भावोऽपि अस्य नास्तीति न हन्ति। अन्यस्य भावोऽस्तीति विशेषः। 'बुदि्धर्यस्य न लिप्यते' इति रागान्न हन्ति, किन्तु धर्मबुद्ध्या।
"स्वातन्त्र्यं मन्यमानस्य रागाद् धर्मं च कुर्वतः। तन्निमित्तस्तु दोषः स्यात् गुणश्च स्यात् सुकर्मजः॥"
इति च॥

...

बहुचित्रजगद्बहुधाकरणात् परशक्तिरनन्तगुणः परमः ।
सुखरूपममुष्य पदं परमं स्मरतस्तु भविष्यति तत्सततम् ॥
"The one who has created this variegated vast universe with varied forms has infinite power and is of infinite auspicious qualities. He certainly bestows the highest state of bliss to those who meditate on his ever happy essence." -Dwādasha stōtra 4.3

Contact:
enquire@madhva.in

Copyright © 2025, Incredible Wisdom.
All rights reserved.