B.G 8.09

कविं पुराणमनुशासितारम् अणोरणीयांसमनुस्मरेद्यः। सर्वस्य धातारमचिन्त्यरूपम् आदित्यवर्णं तमसः परस्तात् ॥॥ ९ ॥

Gīta Bhāshya 8.09

ध्येयमाह- कविमिति । कविं सर्वज्ञम् । 'यः सर्वज्ञः'' इति श्रुतिः । 'त्वं कविः सर्ववेदनात्'' इति च ब्राह्मे । धातारं धारणपोषणकर्तारम् । 'डुधाञ् धारणपोषणयोः'' इति धातोः । 'धाता विधाता परमोत सन्दृग्'' इति च श्रुतिः । 'ब्रह्मा स्थाणुः'' इत्यारभ्य 'तस्य प्रसादादिच्छन्ति तदादिष्टफलां गतिम्'' इत्यादेश्च मोक्षधर्मे । तमसोव्यक्तात् परतः स्थितम्- 'तमसः परस्तादिति । अव्यक्तं वै तमः । परस्तादि्ध स ततः'' इति पिप्पलादशाखायाम् । 'मृत्युर्वाव तमः । मृत्युर्वै तमो ज्योतिरमृतम्'' इति श्रुतेः ॥९ ॥

Gīta Tātparya 8.09