Bhagavad Gīta Bhāshya and Tātparya
B.G 7.13
त्रिभिर्गुणमयैर्भावैरेभिः सर्वमिदं जगत्। मोहितं नाभिजानाति मामेभ्यः परमव्ययम् ॥१३॥
Gīta Bhāshya 7.13
तर्हि कथमेव न ज्ञायसे इत्यत आह - त्रिभिः इति।
तादात्म्यार्थे मयट्। तच्चोक्तम्-
"तादात्म्यार्थे विकारार्थे प्राचुर्यार्थे मयट् त्रिधा।"
इति।
न हि गुणकार्यभूता माया। 'गुणमयी' इति च वक्ष्यति। सिद्धं च कार्यस्यापि तादात्म्यम्-
"तादात्म्यं कार्यधर्मादेः संयोगो भिन्नवस्तुनोः।"
इति व्यासयोगे।
भावैः पदार्थैः। सर्वे भावा दृश्यमाना गुणमयाः एते इति दर्शयति - 'एभिः' इति। ज्ञानिव्यावृत्त्यर्थम् - 'इदम्' इति। गुणमयदेहादिकं दृष्ट्वा ईश्वरदेहोऽपि तादृशः इति मायामोहितः इत्यर्थः। जगाद च व्यासयोगे -
"गौणान् ब्रह्मादिदेहादीन् दृष्ट्वा विष्णोरपीदृशः। देहादिरिति मन्वानो मोहितोऽज्ञो जनो भृशम्॥"
इति।
एभ्यः गुणमयेभ्यः। 'गुणेभ्यः परम्' इति वक्ष्यमाणत्वात्। 'केवलो निर्गुणश्च' इत्यादिश्रुतिभ्यश्च। 'त्रैगुण्यवर्जितम्' इति चोक्तम् ॥१३॥

...

बहुचित्रजगद्बहुधाकरणात् परशक्तिरनन्तगुणः परमः ।
सुखरूपममुष्य पदं परमं स्मरतस्तु भविष्यति तत्सततम् ॥
"The one who has created this variegated vast universe with varied forms has infinite power and is of infinite auspicious qualities. He certainly bestows the highest state of bliss to those who meditate on his ever happy essence." -Dwādasha stōtra 4.3

Contact:
enquire@madhva.in

Copyright © 2023, Incredible Wisdom.
All rights reserved.